Im Land der Kühe und Schafe

Erlebnis Praktikum in Neuseeland

A chlina überblick was so gange isch hie z‘Neuseeland, im Land der Kühe und Schafe. Am 5. November i Flüger u am 7. November glandet mitema schöne Jetlek. Bü da bümena chlinere Lohnunternähmer glandet, aber isch glich scho gäbig gross. As si 4 Festagsteut o 4 Saisoniers wi i da bü.

Bü doch chli überrasta gsi hets no Schnee ghäbe ide Bärge. Dä Summer isch doch no cho.

Zur Zit simer am Grassiliere, de büni meistens mitum 6630 u Schwader unterwägs. Da das z’Wäter sehr spetzieu isch, ungfähr 4 Jahreszite a im Tag. We de Nordwester blaset, bis 140 km/h, de isch schön u his. U wes hört de chunt de luft vo de anderisita vode insla u de ränets.

As het hie ouso aus Bärge, Hügle, Flachland u natürlich z’Meer.

Nächdäm Silo mitum Hacker nagla het isches mit de Quaderballe losgange. Silo vo Ärbsleni über Peterling himer aus ipackt. Aber so richtig abgange isches mit Heu u Strouballe.

Si nit gi nume am wärche, zwo wuche ferie u bsuech us de Schwiz het mer glägehit gä, a tü vo der südinsla chli genauer azguge.

Das isch a chlini zämestelig wismer ergange isch i däm Kiwiland. Schobaut hani umi Schwizerbode underde Füess. Fröemi aber no riesig druf mit de Julia a manet z‘reisle u no meh vo dem wunderschöne Land z‘gse.

Gruss Stephan